Blog tentang Minang

.

.

Monday, August 22, 2016

Lagu Minang populer - Syifa

Lagu Minang populer - Syifa

lagu yang di bawakan oleh  penyanyi cilik ini memang mantap 

silahkan mendengarakan lagu isak mangana Utang , tinggalah kampuang, taragak, saluang anak gubalo, pasan buruang ,kelok 44 dan terakhir janji ayah , yang pasti tidak kecewa mendengarkan suaranya yang indah 

Read More...

Saturday, June 25, 2016

lagu Zalmon Kasiak 7 muaro sama liriknya

lagu Zalmon Kasiak 7 muaro sama liriknya

Siapa yang tidak kenal zalmon, legenda dari tanah minang yang sudah banyak menghasilkan musik
dan lagu yang di sukai oleh tua dan muda

untuk pelepas rindu kita dengarkan salah satu karya beliau






Read More...

Sunday, June 5, 2016

ANAK DIPANGKU-KAMANAKAN DIBIMBING


ANAK DIPANGKU-KAMANAKAN DIBIMBING


Niniak mamak nan gadang basa-batuah,
Alim Ulama Tuangku nan kiramat , sarato Bundo Kanduang nan arih bijaksano,
Kok mudo indak diimbaukan namo , kok gadang indak disabuikkan tuah , jo salam sajo ambo muliakan .

Assalamualaikum w.w.

Duduak surang basampik-sampik, duduak basamo balapang-lapang , baitu pitaruah niniak kito. Molah kita taruihkan ” mambangkik batang tarandam ” , mangaji-ngaji ajaran Adat , Mudah-mudahan baguno untuak anak kamanakan kito nan mudo-mudo, isuak . Amien……
Indak ado gadiang nan tak ratak , manusia basipaik khilaf , kok sasek ambo bakato, kok lupo ambo dalam alua jo patuik , tolong bilai dima nan senteng , tolong tukuak dima nan kurang.
Dalam ba gotong royong “mambangkik batang tarandam”, marilah kito karajokan pulo apo nan dapek dikarajokan sacaro baketek-ketek atau kok nak bagadang alah dikarajoan dek urang gadang-gadang.
Nan paralu diawak kini dalam rangka “mambangkik batang nan tarandam” sahari-hari , misalnyo mampalajari ;
– Apo kawajiban Mamak taradok Kamanakan ,
– Baa hubungan Mamak jo Kamanakan, manurut ajaran Adat di Minangkabau nan biaso disabuik urang system kekerabatan Matrilinial tu .
Saciek nan jadi padoman hubungan mamak jo kamanakan iyolah pepatah nan babunyi pantun;
Kaluak paku , kacang balimbiang
Tampuruang lenggang-lenggangkan
Dibao urang ka Suruaso .
Anak dipangku kamanakan dibimbiang
Urang kampuang patenggangkan
Jago Adat jan binaso .
Pantun iko barisi 3 pokok ajaran atau doktrin nan diwarihkan dek niniak moyang kito dari generasi ka generasi sampai ka kito kini nangko, yaitu :
Anak dipangku , kamanakan dibimbiang, iyolah realisasi dari duo fungsi nan diemban oleh satiok laki-laki di Minagkabau .
Urang kampuang dipatenggangkan,iyolah kawajiban social ditangah-tangah masyarakat. Hablunmminannas manuruik hukum Syarak nyo .
Jago adat jan binaso, maksudnyo kewajiban satiok urang Minangkabau memaliharo nilai-nilai Adat dan budaya Minangkabau .
Cupak salingka Batuang, Adat Salingka Nagari. Lain lubuak lain ikannyo, lain padang lain bilalang, namun ikannyo itu juo . Baitu kato urang tuo-tuo , tantang parbedaan-parbedaan nan ado antaro Nagari-nagari di Minangkabau .
Manuruik pitaruah dari urang tuo-tuo, laki-laki di Minangkabau mamikua duo baban barek sakali gus yaitu :
* Sabagai Urang Sumando ( apak paja ) dirumah anak,
* Sabagai Mamak Rumah dirumah urang gaek.
Kaduonyo disabuik – fungsi ganda lelaki di Minangkabau.
Sabagai Rang Sumando/kapalo Keluarga, lelaki minang ikuik mamangku anak, artinyo saratuih parsen anak manjadi tanggungan bapakny. Makan minun, sekolah, dan kabutuhan hiduiknyo – hinggo kaki anak iko sampai ndak buliah manyingguang tanah ( ikolah perumpaan mamangku anak). Sekalipun anak dipangku tantu ado batehnyo, yatiu katiko si anak alah pandai bajalan surang – lah tumbuah gadang, ikolah saatnyo malapehnyo pai bajalan.
Sasudah pandai bajalan – lah tamaik pulo sakolahnya – lah manjadi urang – sampailah anak ko mampu barumah tango .
Pabilo kamanakan dibimbiang ? Kamanakan dibimbiang , sampai kaliang kubua , baitu pitaruah urang tuo-tuo kito. Aratinyo – kamanakan bajalan jo kakinyo surang – si Mamak mambimbiang jo ujuang jari. Mambimbiang anak lai indak indak sabarek mamangku anak, tapi sampai mati – si Mamak punyo kawajiban mambimbiang Kamanakannyo. Tarutamo masaalah Adat dalam kahidupan ba Nagari, dalam panguasaan dan pangurusan harato Pusako Tinggi.
Zaman saisuak, urang bakarajo jo tanago nan dinamoan ” tulang nan ampek karek”. Jadi tugas mamak mambimbiang kamanakan jo tanago sarato ilimu dan pangalaman nan ado .
Manuruik ajaran nan kito tarimo , supayo baban utamo mamangku anak indak taganggu , mako untuak mambimbiang kamanakan tu , hari nan 7 dibagi duo , 5 hari mancari nafkah untuak anak-bini dan 2 hari untuak mambantu/mambimbiang kamanakan Karano kamanakan tu biasonyo banyak , mako mambagi hari nan 2 tu , tantu disasuaikan jo kaparaluan kamanakan , dan biasonyo mamak pun bukan cuma surang , ado baduo atau batigo bahkkan labiah dari tigo urang , jadi dapek dipikua basamo untuak itu diatur dan diarahkan oleh para ibu-ibu nan basangkutan supayo hasienyo samparono dan marato.
Urang Sumando pun basanang hati manarimo . Di siko lah fungsi Mamak Tunganai Rumah atau Mamak Kapalo Warih sarato Bundo Kanduang pamacik kunci nan arek, pamegang puro nan taguah , pusek jalo kumpulan ikan , akan dirasokan guno jo manfaatnyo ba mamak dan bakamanakan manuruik ajaran Adat Minangkabau
.
Hari Juma’at adolah hari bakhti Mamak untuak Kamanakan. Sasudah makan pagi dirumah bini, si Mamak akan pulang kakampung mandenyo – manjalani sawah nan laweh, mandaki bukik manurun lurah, mamareso padi disawah , maliek tanaman di ladang, kok ado paga nan rarak, kok ado padi nan masak , kok ado tanaman nan dirusak binatang lia , untuak disampaikan ka Kamanakan dirumahnyo . Si Mamak basumbayang Jum’at di kampong ibunyo, sasudah sumbayang Mamak pulang karumah Ibunyo atau karumah kamanakannyo , manyampaikan saran jo nasihat , kok ado nan basangketo laki-bini nan paralu dipaeloki , kok ado baban nan kadipikua basamo , kok ado taranak atau tanaman nan kamarugi . Sasudah langkok makan jo minum , mamintak ampun ka pado Ayah sarato Bundo, Mamak malangkah kumbali kakampuang bini , malanjuikkan karajo baban utamo , Rang Sumando dirumah anak , wajib manafkahi laie jo bathin , baitu kato pusako
Kok tibo hari nan baiak kutiko nan elok, Kamanakan bujang dipadah urang , datanglah inyo karumah Mamak , manyambah mamintak ampun kapado Mamak sarato Etek , mamintak izin barumah tanggo kakampuang urang . Mamak mamikua tangguang jawab ateh namo dan kahormatan kaum jan sampai Kamanakan , babuek nan ka marugikan urang lain atau mamalukan kaumnyo sandiri . Mamak wajib macegah poligami , mamak wajib mamparsiapkan Kamanakan nyo untuk manjadi Urang Sumando nan baiak dan tapuji yaitu Rang Sumando Niniak Mamak . Mamak menjalehkan pantangan dan larangan bagi seorang Rang Sumando antaro lain , sifat-sifat buruak dan hino ; Rang Sumando Kacang Miang, Rang Sumando Langau Hijau dan Rang Sumando Lapiak Buruak . Itu untuak Kamanakan nan laki-laki , baa pulo untuak Kamanakan nan Padusi , itu kawajiban para Bundo Kanduang , Mamak Rumah Cuma manunjukan dan mamastikan satu tumpak Sawah Pangasingan , bagi panganten baru sabagai modal partamu barumah tango dari Pusako Tinggi .
Masaalah Mamak alah kito tinjau sacaro ringkas dan sadarhana, kini mari kito tinjau pulo hak dan kawajiban Kamanakan manuruik ajaran Adat Minangkabau nan kini kito usahokan dalam mambangkik batang tarandam . Manuruik ajaran Adat jo system matrilineal kekerabatan banyak macam dan tingkeknyo , ; Kamanakan nan batali darah, Kamanakan nan batali Adat dan Kamanakan nan batali Budi . Untuak itu kawajiban Mamak sacaro materi dan harato pusako sahinggo Kamanakan nan batali darah , salabiahnyo disasuaikan jo kabutuhan dan kamampuan si Mamak nan kamambantu .
Daulu Mamak mambantu Kamanakan jo tanago tulang nan ampek karek, tapi kini mamak lah manarimo gaji bulanan , mahetong pitih dikotak satiok hari , tingganyo jauah dikota-kota gadang , jaman moderen lah maubah caro-caro kahidupan masyarakat Minangkabau, Bank-bank tabungan lah ado kaganti Lumbuang padi nan lah tirih , internet lah dapek mampadakekan jarak nan jauah , satiok waktu Mamak jo Kamanakan dapek basuo . Lah masonyo kito mamikiekan konsep Pusako Tinggi dizaman moderen nan bak kini , untuak itu kito pulangkan kapado nan pandai para itelektual Minangkabau .
Alhamdulillah untuak itu niniak moyang kito lah maninggakan pitunjuak nan baguno di sagalo jaman . “ Sakali aie gadang – sakali tapian barubah …dst “ Kok nak bakisa tagak bakisalah ditanah nan sabingkah , kok bakisa duduak bakisalah di lapiak nan sahalai “ Allqur’an dan Sunnah Rasulullah pamaganyo . Tujuan hiduik tak lain adolah kasampurnaan hiduik didunie, dan kasampurkaan hiduik di akhirat . Tuntuik lah ilimu sampai kaujuang dunia, nan diranah Minang tatap akan baguno . Insyaallah .
Sahinggo iko lah daulu , kok dirantang namuah panjang, diambiak sakiro kapaguno, kudian kito sambuang pulo , …….. insyallah .
Read More...

Wednesday, June 1, 2016

Kumpulan Lagu Minang Sedih terPopuler Terbaru

Saatnyo kito mandanga musik 




Ayo saatnyo kita jo bang eparewa mandangaan lagu minang , banyak macamnyo ado lagu minang sedih yang membuat kalua aia mato, lagu minang terbaru yang baru kalu dari dapua dan juo ado jou lagu minang lamo yang alah acok kito danga

selamat menikmati ajo lah
Read More...

Monday, May 30, 2016

MENJADI BENAR itu PENTING



MENJADI BENAR itu PENTING

Renungan bagi kita semua 
Antara BENAR & MERASA BENAR

Secara alamiah, 
manusia memang memiliki pandangan yg terbatas, 
ia hanya mampu melihat apa yg ada di depan matanya.

Namun, Allah menganugerahkan 
mata hati 
, yg mampu menerobos berbagai tembok pembatas. 
Tingkat ketajaman mata hati 
 itu, sangat bergantung dari kerendahan hati & kedalaman ilmu seseorang.

Seseorang dikatakan 
arif bijaksana, bila ia memiliki ketajaman mata hati

Menjadi Benar itu penting, namun Merasa Benar itu tidak baik.
Kearifan akan membuat seorang menjadi Benar ?
bukan Merasa Benar ??

📍•Perbedaan Orang Benar & Orang Yg Merasa Benar :
Orang Benar, 
tidak akan berpikiran bahwa ia adalah yg paling benar.

🔸
Sebaliknya 
Orang Yg Merasa Benar, 
di dalam pikirannya hanya dirinyalah yg paling benar.

Orang Benar, 
bisa menyadari kesalahannya.

🔸
Sedangkan 
Orang Yg Merasa Benar,
merasa tidak perlu untuk Mengaku Salah.

Orang Benar, 
setiap saat akan introspeksi diri & bersikap Rendah Hati. 
🔸
Tetapi 
Orang Yg Merasa Benar,
merasa tidak perlu introspeksi. Karena merasa sudah benar, mereka cenderung Tinggi Hati.

Orang Benar, 
memiliki Kelembutan Hati.
Ia dapat menerima masukan & kritikan dari siapa saja, sekalipun itu dari anak kecil.

Orang Yg Merasa Benar,
Hatinya Keras. 
Ia sulit untuk menerima nasihat & masukan apalagi kritikan.

Orang Benar 
akan selalu Menjaga Perkataan & Perilakunya, serta berucap Penuh Kehati-hatian.

Orang Yg Merasa Benar
berpikir, berkata, & berbuat sekehendak hatinya, tanpa pertimbangan / pedulikan perasaan orang lain.

Pada akhirnya, 
Orang Benar akan dihormati, dicintai & disegani oleh hampir semua orang.

Sedangkan Orang Yg Merasa Benar hanya akan disanjung oleh mereka yg berpikiran sempit & yg sepemikiran dg-nya, atau mereka yg hanya sekedar ingin memanfaatkan dirinya.
Saudara-ku, 
mari terus memperbaiki diri untuk bisa Menjadi Benar, agar tidak selalu Merasa Benar. 
Bila kita sudah termasuk tipe Orang Benar, bertahanlah & tetaplah dalam Kebenaran & Rendah Hati.

Semoga Bermanfaat.
Read More...

Tuesday, March 22, 2016

PITARUAH AYAH KA ANAK PADUSINYO

PITARUAH AYAH KA ANAK PADUSINYO


Oi upiak anak kanduang ayah,sikolah duduak mandakek ka ayah,cubo dangakan pitaruah ayah,nan ka jadi tauladan gadih minang....


Ketahuilah nak, kok indak dek buku tiok rueh, indak sambilu malampisi, haram baguno buluah bambu, mako baitu juo padusi, nan manjadi rueh jo buku di dirinyo indak lah lain indak lah bukan sapado dari budi, sadangkan sambilunyo adolah malu. Padusi indak babudi ibarat bambu indak ba rueh, alun tasingguang nyo lah ratak, baru tagisia nyo lah pacah, padusi tak punyo malu bak buluah ilang sambilu, bangun lamah tanago rapuah, hilang kepribadian, pupuih sumangek jati diri, tanpa power tanpa wibawa. Mangko kok budi lungga indak ba pasak, malu tipih mangulik dasun, cayia lah martabat parampuan, abih tuah binaso diri. Dek sabab karano itu nak, supayo iduik taguah ba rueh, nak nyo ba tuah ba sambilu, jauahi pantang cilakonyo, sumbang duo baleh rang namokan. Itulah timbangan akhlak, standar moral ukuran nilai, sapanjang adat sopan santun.
Adopun nan dimukasuik jo kato sumbang, iyolah suatu laku perbuatan, nan buruak tacacek tarcalo, tapi alun sampai kapado salah. Kato padanan dari sumbang yaitu jangga, senjang ataupun sonsang. Atau istilah populer masa kini “kurang etis”, bandel, norak jo urakan, kalau bahaso di pasaran, kurang aja indak baradaik, bak baruak harago tigo tali, mantiko… ha, ado sambuangannyo di ujuangnyo tu ah…na’udzubillah..
Nah… cubo ayah bilang ayah papakan dangakan malah tanang2....
nan patamo Sumbang duduak. Duduak sopan bagi padusi iyolah basimpuah, bukan baselo cando laki-laki, nan paliang tacacek bana kalau mancanngkuang jo mancongkong sabalah lutuik batagakkan bak gaek duduak di lapau. Kok duduak di bangku di kurisi, rapekkan paho arek2, manyampiang agak salayang, nyampang mamakai rok singkek, usahlah kaki ditindiahkan, nak jan tasimbah nampak sajo. Baitupun duduak di honda, dibonceang atau mambonceang, ijan mangangkang abih2, manjajok dipandang urang. Itu
sumbang duduak.
nan kaduo Sumbang tagak. Usah panagak tantang pintu atau di janjang turun naiak, usah panagak tapi labuah kalau tak ado nan dinanti, sumbang tagak jo laki-laki, apolai bukan jo muhrim, konon pulo ba rundiang-rundiang.
Sumbang jalan. Bajalan musti ba kawan, paliang kurang jo paja ketek, kalau padusi bajalan surang, saibarat alang-alang lapeh, jatuah merek turun harago, randah pandangan laki-laki. Usah bajalan ba gageh-gageh, malasau mandongkak-dongkak, co ayam gadih ka batalua, usah… tapi bajalanlah siganjua lalai, pado tampuah suruik nan labiah, alu tataruang patah tigo, samuik tapijak indak mati, aratinyo lamah lambuik, gemulai tapi tegas, kok bajalan ba samo gadang, jan babanja ma ampang labuah, agak’i urang di bulakang, kok bajalan jo urang tuo atau jo urang laki-laki, awak ma iriang di bulakang, baitulah adat ka dipakai.
nan ka tigo Sumbang kato. Bakatolah jo lunak lambuik, duduak kan etongan ciek-ciek, nak paham urang mukasuiknyo, sumbang bana dek padusi barundiang co murai batu bak aia sarasah tajun rumik lah urang mamiliahi, kalau rang tuo sadang mangecek, pantang mamotong bicaronyo, nantikan dulu sudah2, baru dijawab patuik dijawab, didakek urang sadang makan usah mangecek nan kumuah2, pai manjanguak urang sakik usah carito urang mati, kurang baiak kurang tapuji manunggu utang di nan rami, baitu ajaran sopan santun.
Nan ka ampek Sumbang caliak. Kurang taratik rang padusi kok pamana pancaliak jauah, pamadok arah ka bulakang, pamatuik-matuik diri surang, sumbang. Nyampang awak pai ba tandang, pajinak stek incek mato tu jan manjala sapanuah ruang, sabantuak urang manyalidiak, kok awak manjadi tuan rumah, usah pancaliak ka jam tangan, tasingguang urang sadang duduak, itu ma usia caro aluih, mangecek jo laki-laki, bia dunsanak atau famili usah pamadok tanang2, manantang bola matonyo, indak buliah… tapi buanglah pandang ka nan lain, manakua caliak ka bawah.
salanjuiknyo nan kalimo Sumbang makan. Sumbang makan sambia badiri kunyah kenyoh sapanjang jalan, manguyah tutuikkan muluik, jan tadanga capak dek urang, sabab nan makan mancapak-capak, bangso si lupak jo si samuik, kuranglah sopan jo taratik, kalau mahota sambia makan caro si bule dalam pilem. Kok awak makan jo tangan, angkek nasi jo ujuang tangan, suok nan usah gadang2. manambuahkan nasi agak2, bia acok asakan saketek, jan sampai piriang balanjuang, biasokan mancuci tangan, manuangkan aia dalam piriang, jo kida manjambo galeh, minum sataguak taguak ketek, tahan sandao jan nyo lapeh. Nyampang awak makan basendok, jan balago sendok jo garpu, badariang kanai di gigi, dima salasai makan beko, tungkuikkan sendok jo garapu, kalau lataknyo tatilantang tandonyo makan alun kanyang ataupun kurang samalero, tasingguang urang punyo alek. Nah… paratikan bana tu nak kanduang… jan randah pandangan urang.
Nan ka anam Sumbang pakai. Babaju jan sampik2, nak jan nampak rasio tubuah, dima bukik dima lurahnyo, dima taluak tanjuang baliku jadi tontonan laki-laki, usah pulo talampau jarang, nan tipih nan tabuak pandang, konon tasimbah ateh bawah, usah… Satantang mode jo potongan, sasuaikanlah jo bantuak badan, sarasikan jo ragi kain, buliah sajuak pandangan mato. Dek kau ayah nan manurun, kulik nan karak-karak anguih, mako warno piliah nan agak amba, krem jadih, pucuak pun buliah, birunyo nan talua asin, putiahnyo nan abu-abu, usah dipakai baju sirah piak, dendeng balado kecek urang, badoso umaik karano awak. Katampek urang kamatian pakai nan polos warno galok, usah mamakai baju pontong nan ponggeang nampak katiak, usah pulo babukak tenda mamakai gencu taba2, kurang etis baso kininyo.
Nan katujuah Sumbang karajo. Kakok karajo rang padusi sabateh nan ringan2, nan mudah2, nan aluih2, manjaik jo manarawang, kadapua masak mamasak manyusun paraboik rumah, kok ka sawah batanam jo basiang, manyabik atau ma angin, tapi jan mabajak jo mairiak, baitupun karajo parak, sakadar marambah manyisiak-nyisiak, mangulik manabang pisang, jangga bana dek rang padusi kalau mamanjek bagayuik-gayuik manabang mangabuang kayu. Baitupun mamiliah profesi, nan paliang cocok jadi guru, bidan elok salonpun buliah, jadi perawat rancak juo, dikasir bidangnyo bana, tapi paralu ekstra hati-hati nak, kalau manjadi sekretaris, jadi gaet ataupun artis, konon lai pulo pramugari, gawat piak… gawat. Nah.. buliah manyupir tapi usah manjadi supir.
Nan Kalapan Sumbang tanyo. Ado papatah mangatokan, barundiang sasudah makan, batanyo salapeh arak, aratinyo kok urang tibo batandang sambuiklah baramah tamah, jo hormat silahkan duduak, sasudah itu latakkan aia suruah minum, salasai minum agak sataguak, raso lah cukuik istirahat, baru tanyokan mukasuiknyo, apo sangajo kadatangan, caro tata krama moderennyo “apa yang bisa saya bantu”, mako.. kasa lah bana budi awak, alun ta acah ikuanyo duduak, sambia tagak lalu batanyo, a tujuan datang kamari, indak buliah tu nak.. indak buliah.. buruak angkuah namonyo awak. Salain nan dari pado itu, kok tamu awak sadang makan, sumbanglah bana manayokan “bara harago bareh kini” indak buliah tu, itu pantangan urang minangkabau tu, ciek lai, kalau bajalan dalam hutan, usah batanyo isi rimbo, ula harimau jo biruang, indak buliah, kok masuak ka kampuang banyak upeh, pantang batanyo ka urang lapau, lai mamak manjua sabuak, atau mamintak tambah gulo stek mak, jan mati gadih kau dibueknyo piak, indak buliah tu.
Nan dimaksud Sumbang jawab. Kalau ado urang batanyo, elok2 mambari jawab, jan sampai urang tasingguang, umpamo adolah urang ka babalanjo batanyo ka tukang kain, tukang kain ko anak gadih ko, a katonyo “bisa tigo ribu sameter piak ?” dijawab dek urang kadai “ampek ribu awak tarimo pak, baok kamari bara ado”, tibo pulo tanyo nan lain “luntur ndak diak ?”, sambia malengah nyo manjawab “pai batanyo ka pabrik pak, kami nan tau manjua an ko’, itu jawab sengkang namonyo tu nak, buruk muncuang dilayan urang, cilako gadih mudo matah, jauah jodoh tinggi rasaki, alamaik sansaro iduik awak, indak buliah..
Sataruihnyo sumbang bagaua. Indak buliah bagaua jo laki-laki kalau awak sajo padusi surang mancampua bakeh nan banyak, sumbang bagaua samo gadang kalau bakumpua-kumpua lalok batandang ka rumah urang kecuali ado keperluan, dek awak tu anak gadih, sumbang bagaua jo paja ketek, sato manyuruak ba kuciang-kuciang basimbang main kalereang balari bakaja-kaja, atau awak masih pacaran bagaua lah sarupo laki bini, ilia mudiak indak lakek lakang, sarupo jawi jo lapiak buruak, sumbang tu…
Iko sumbang nan pangabisan, namonyo sumbang kurenah. Adopun nan dimukasuik jo kurenah, iyolah galagat pambaoan, sipaik tabiat jo parangai karakter kecek rang kini sikap mental caro moderen. Kurang etis kurang lah patuik kalau babisiak baduo-duo sadangkan awak sadang batigo, kurang lamak kurang lah elok malucu mambuek garah mahota bakarikik an dalam manjanguak batakziah, indak buliah galak mancaliak urang jatuah, indak buliah manutuik iduang di tangah urang rami, atau kuok mangango laweh2, tamasuak juo sumbang kurenah, mangakok jo tangan kida, saumpamo manjambo jo manampuang, manunjuak manyetop oto, malambai-lambai dari jauah, kecuali manjambo galeh sadang makan. Indak pandai manenggang raso sumbang juo tu namonyo, mako dari itu, kok awak mambali durian, kuliknyo usah dikaka nak, jan serakkan bijo di laman, pikia kan urang di subalah, luko kaki lukolah iduang luko di batin nan manyeso, badantiang tali silaturrahim…
Nah… itulah inyo sumbang duo baleh piak… susunan cati bilang pandai buah ranungan candokio ayah nan utang manyampaikan, kok lai tapakai ta amakan, mulialah diri dalam kampuang, tapuji di masyarakaik, kami lah sato jo tuahnyo, tapi nyampang lalu indaknyo singgah, inggok nan haram tampek bakeh, bak aia jatuah ka pasia, mako malanglah badan diri ayah, nasihat tabuang buruak sajo..
---------------------------------------------------------------------------------------------------
Di Minangkabau, padusi dituah dimuliakan. Bangso diambiak dari padusi. Nyampang tiado anak padusi, alamaik putuih katurunan, Punah suku datuak tabanam harato bapindah katangan urang. Sabek sawah ladang, hutan jo gurun, rumah gadang, lumbuang bapereang, warihnyo kapadusi.
Selain dari sisi materil. Dari sisi moril pun wanita Minangkabau mendapat kedudukan yang baik. Kehormatan dan martabat kewanitaannya dilindungi oleh setiap anggota kaumnya, bahkan oleh kaum yang lain. Wanita Minangkabau tidak akan dibiarkan tercela oleh kaumnya. Susah, senang, hina, dan malu seorang wanita Minangkabau akan dirasakan oleh pihak kaumnya. Kaum tidak akan membiarkan wanita Minangkabau mendapat cela dan melakukan perbuatan tercela. Bagi anggota kaum. kehormatan wanita kaumnya (bundo kanduang) adalah segala-galanya dan harus dipertahankan dengan cara apapun. Sekaitan dengan ini, pituah adat mengatakan.
Hino mulia suatu kaum tagantuang dek nan padusi. Tuak parang bisa badamai, tikam bunuah dibari maaf, rabuik rampeh dilimaui. Tapi, kok padusi diagiah malu, jando diguguang urang tabang, gadih tapakiak dalam samak, mako tatutuiklah sagalo pintu damai, tasintak sagalo kaum, jago suku, bangun dubalang, disiko nan cadiak kapakaro, nan bagak kamalalahan, nan kayo tajun jo harato. Pendeknyo, malu masti tabangkik. Kama hanyuik kama dipinteh, walau ka dalam lauik basah. Dima hilang dima dicari, bia ka suduik-suduik bumi. Tak lalu dandang di aia di gurun kaditajakan, jiko ndak mungkin di nan lahia, di batin dilaluan.
Walaupun kaum wanita Minangkabau mendapatkan perlakuan yang baik menurut adat, ia tidak dapat berbuat sekehendak hatinya. Karena minangkabau matrilinial tapi bukan matriakhat.Justru perlakuan yang istimewa itulah, yang membuat sangat banyak aturan dan tatakrama yang harus dipenuhi wanita dalam mempertahankan kemuliaan martabat yang dilimpahkan adat kepadanya. Artinya, wanita Minangkabau harus menyadari keistimewaan yang diberikan adat kepadanya dan berbuat, bertutur, dan berpikir sesuai dengan kemuliaannya tersebut. Budi dan bahaso merupakan dua indikator yang sering dijadikan acuan bagi kemuliaan seorang wanita Minangkabau.
Budi baiak baso katuju, muluik manih kucindan murah. Dibagak urang ndak takuik, dikayo urang ndak arok, dicadiak urang ndak ajan, dirancak urang ndak ingin, di budi urang takanai. Sasuai bak bunyi pantun, Babelok babilin-bilin, dicapo tumbuahlah padi, dek
elok urang tak ingin, dek baso luluahlah hati. Nan kuriak Lundi , nan merah sago, nan baiak budi, nan indah baso. (Datuak Parapatiah)
wallahu'alam......(Dt.Yus Parapatiah)
"AKU BANGGA MENJADI ANAK MINANGKABAU"

Read More...

Monday, March 21, 2016

PITUAH MANDEH

Dapek inspirasi nasehat mandeh dari kawan di facebook 
mudah mudahan baguno jo dunsanak sadonyo

mandeh - eparewa.net

"PITUAH MANDEH"
Elok elok anak dirantau,
Lauik SATI rantau BATUAH
Usah lupo pai KASURAU,
Jikok barasaki basidakah

Rantangkan tali untuak ka tungkek nak,
Jalin kulindan diateh bumi
Hubungan jo ALLAH dipa arek, nak
Parapek pulo sasamo insani

Hilia kabukik rimbo panjang,
Tikuluak nan usah ditanggai
Usah ditompang hati gadang,
Isuak nyo badan jadi sansai

Dikameh sagalo kameh
Dek padi iyo sagalo jadi
Usah anak bamaleh maleh
Rajin rajin anak mancari

Kok lai barasaki banyak'
saketek paralu disimpan juo
Kanalah badan katalatak,
Ingeklah nanti awak ka tuo

Usah maminum sadaguik abih,
Mamakan usah sakulek hilang
Bahemat hemat jikok bapitih,
Balanjo nan usah gadang-gadang

Tangguak rapek karuntuang jarang,
Dimanolah ikan katabao
Gaji ketek balanjo kok gadang,
Alamat badan kasansaro

Kawan galak mudah dicari,
Kawan manangih jarang basuo
Galak tabahak dimeja judi,
Manangih surang dipanjaro

Usah main bahuru huru,
Pai malala kian kamari
Pandai padailah mambagi waktu'
Baik siang maupun malam hari

Jikok minum dikadai kopi,
Minumlah kopi nan samangkuak
Jauhilah wisky jo berendy,
Usah minum nan mambuek mabuak

Kurai taji pakan sinayan,
Urang manjua lado mudo
Capek kaki ringan tangan,
Namun salero kalapeh juo

Capek kaki usah panaruang,
Capek tangan usah manyambo
Kadalam tansi lalok baguluang,
Sasa tumbuah dak ado guno

Apo talatak nak maambiek,
Apo tajumbai nak maelo
Hiduik didunia indak salamaek,
Mati basinggang dinarako

Jiko anak pai ka pulau,
Hiu bali balanak baliI 
Ikan panjang bali lah dahulu
Jikok anak pai marantau
Ibu cari dunsanak cari,
Induak samang cari dahulu

Jikok pandai bakain panjang,
Labiah elok bakain saruang
Jikok pandai bainduak samang,
Labiah elok dari mandeh kanduang

Tagaklah anak di nan data ,
Tagak diadat jo aturan
Badirilah anak di nan bana,
Munkin jo patuik ka ukuran

Kalau sipadan diasak urang,
Nan bana nyo tuka tagak
Tunjuakkan awak sabagai Rang minang,
Usahlah takuik darah taserak

Darah ayah turun ka anak,
Warih dijawek dek kamanakan
Usah mundur walau satapak,
Hadok i malah sacaro jantan

Kok pai anak ka batawi,
Mancari pitih dirantau urang
Usah sampai tajarek kaki,
Sahinggo lupo jo Ranah minang

Jam gadang di Bukik tinggi,
Nan Talatak dipasa ateh
Disimpang jalan kampuang cino,
Pandai mangarang urang di batawi
Bungo dibuek dari karateh,
Takicuahlah kumbang dibueknyo

Bungo harum warnanyo merah,
Nan banyak tumbuah ditapi jalan
Bungo baracun mintak darah,
Lah banyak kumbang jadi korban

Randahnyo jambo jamboan,
Mudahlah bana mamatiaknyo
Sakiro anak indak bariman,
Alamat badan kanarako

Jiko buliah kandak bakandak,
Iyo sasuai jo nan salero
Iduak bareh handaklah rang awak,
Urang awak minantu bundo

Carilah gadih nan rancak,
Nan baik budi nan elok baso
Didalam wilayah nan TIGO LUAK,
Iyo didaerah ranah bundo

Gadih nan jombang pandai mamasak,
Urangnyo saulah elok laku
Manih juo walau tak babadak,
Bibianyo merah tak bagincu

Pandai masak jo marandang,
Pandai manjaik jo marendo
pandai mangaji ta'at sumbayang,
Rajin sidakah ta'at puaso

Kuliknyo nan kuniang lansek,
Balasuang pipik dipipinyo
Paibo ka urang gaek,
Panyayang kasanak sudaro

Laguah lagah bunyi padati,
Padati anak urang kamang 
Mambao patai nan jo lado
Bialah sapiriang dapek pagi
Walaupun sasuok dapek patang
Ijan lah sampai baputuih aso

Ijuak kok nyato jd tali,
Anau dirimbo kanalah juo
Isuak kok ado Ba rasaki,
Usah lupo sanak sudaro

Bialah luluah padi dek sakam,
Namun dadak baniahkan juo
Bialah rusuah hati didalam,
Namun galak manihkan juo

Bakabuik gunuang Talamau
Hilang ditimpo paneh pagi
Usah hanyuik buyuang dirantau,
Jalang juo sanak famili

Jikok kaladang buyuang bisuak,
Padi nan indak ado lai 
Namun banto siangi juo,
Jikok pulang buyuang bisuak
Kami nan indak ado lai,
Namun pusaro siangi juo

Babuek baiak pado padoi ,
Babuek buruak sakali jangan
Jan sampai taniayo diri,
Sayang ka urang jajok dibadan

Dulu Tasabuik Naneh Halaban
Manihnyo bak raso ka Rangkungan 
Itulah pasan Mandeh nan harus dijalankan...
Jan sampai manyasa di kamudian...

"Aku Bangga Menjadi Anak Minangkabau"
Read More...